Avokati i mbrojtës i zyrtares së lartë europiane, Michalis Dimitrakopoulos, i dha fund zërave se Eva Kaili është shtatzënë me fëmijën e dytë.
Përmes një deklarate të shkurtër por të qartë që ka bërë në emisionin Super Katerina dhe gazetarit Yannis Poulopoulos, kriminologu i njohur ka mohuar skenarët e shtatzënisë.
“Është false, nuk përputhet me realitetin”, sqaroi avokati i Eva Kailit në emisionin e mëngjesit në Alpha.
Çfarë kishte thënë Marina Patoulis
“E vërteta është se si grua dhe si person kjo më ka mërzitur shumë. Dhe kjo më bën të trishtuar sepse Eva është një person i zgjuar. Nuk dua të futem në gjëra të vogla apo të gjykoj. Këto do të shihen gjatë rrugës”, kishte thënë fillimisht Marina Patoulis.
“Dua të them se si grua, duke qenë se ka partnerin e saj, më duket se është shtatzënë, e mbështes dhe më vjen keq për gjithçka që ka ndodhur”, shtoi Marina Patoulis duke ndezur zjarret.
Viti i Ri në burg për Eva Kailin – Çfarë kërkonte vazhdimisht
Ish-zëvendëspresidentja e Parlamentit Europian, Eva Kaili, e ka pritur vitin e ri brenda burgjeve të Harenit, nën shoqërinë e një televizioni dhe duke komunikuar me disa persona përmes telefonit që ka në qeli, që sigurisht janë të monitoruara.
Ajo e di se është në një pozitë shumë të vështirë përballë një aktakuze shumë të rëndë dhe mezi pret seancën e saj të ardhshme. Rishikimi i saj do të bëhet rreth datës 20 janar.
Ajo gjithashtu ka kërkuar disa herë të shohë vajzën e saj, ndërsa autoritetet pretendojnë se ka mungesë të personelit në burgjet ku ajo po mbahet.
